Nglangi ing Suwung Ratri

nalika sajaba netra, grimis isih sumebyar
ing njroning salira, uga sukma,
mangsa ketiga ngobong gegodhong tatu
lan tapak-tapak srengenge katon dadi awu

nalika saka netra panyawangku nglangi
—nglangi ing suwung ratri,
wening sliramu isih manjing teja ludira
uga nggawa ketiga liya
kanggo ngobong srengene kang awe-awe
ing panggonku ngenam cintraka
nganti sore


Surabaya, 2006


(Abimardha Kurniawan)